Фольклориада

2020 йылдың йәйендә Башҡортостанда Бөтә донъя фольклориада байрамы уҙасаҡ. Был дүрт йылға бер тапҡыр үткәрелә торған сара. Ә бына алтынсыға ул, тап беҙҙең илебеҙҙә ойошторола. Был бар халыҡтың ғөрөф-ғәҙәттәренә таянып эшләнгән: милли кейемдәрен, аш-һыуын, сәнғәтен, төрлө эш оҫталарының кәсептәрен артабан да үҫтереүҙә һәм һаҡлап алып ҡалыуға йүнәлтелгән ҙур сара. Саҡырылған ҡунаҡтар етмештән артыҡ илдән көтөлә. Театралләштергән ҙур майҙандарҙа Бөтә донъя халыҡтарының үҙҙәренә генә хас булған милли бейеү, йыр менән һуғарылған сағыу сығыштары, уйын-көлкө яңғырап торасаҡ.