Тағараҡтар

Ҡышлаусы ҡоштарға — тағараҡ!

“Аҡбуҙат”та бөгөн Өфө ҡалаһының 20-се һанлы Фатима Мостафина исемендәге башҡорт гимназияһы ҡунаҡта. 1-се “А” класы уҡыусылары Тирә яҡты өйрәнеү дәресенә үҙ ҡулдары менән эшләгән тағараҡтар алып килгән. Беренселә генә уҡыһалар ҙа күңелдәре киң, ярҙамсыл был бәләкәстәрҙең. Йөрәк йылыһын биреп эшләгән тағараҡтары, йылы яҡҡа осмай ҡышларға ҡалған бәләкәй дуҫтары — бар булған ҡоштар өсөн. Дәрестәр бөткәс улар, уҡытыусылары Гөлназ Әнүәр ҡыҙы менән бергә мәктәп алдында үҫкән ағастарға тәмлекстәр тултырып тағараҡтар элеп ҡуясаҡ.