Балаларға театр тамашаһы

Әхмәтзәки Вәлиди исемендәге Милли китапханала балалар өсөн Театр йылын асыу тантанаһы үтте. "Театр – ул байрам, күңелле минуттар... Театрҙа һәр кем үҙен тәртипле тоторға, килешле кейемдә булырға тейеш", – тине китапханасы Гөлназ Үтәгәнова апай. Ул шулай уҡ театр этикеты, театрҙың тарихы тураһында ла ҡыҙыҡлы мәғлүмәттәр һөйләне. Тамашаға ҡаланың "Әлифба" баҡсаһы кескәйҙәре килгәйне. Балалар "Маша һәм айыу" әкиәтен ҡараны.

Китапханасы Ирина Ҡоҙаярова халыҡ әкиәттәре буйынса викторина ла уҙғарҙы. Һәр бала әүҙем ҡатнашып ултырҙы, кескәйҙәргә байрам бик оҡшаны.