"Ысыҡҡай"ға килде Ҡыш бабай!

Өфө районы Шамонин ауылындағы "Ысыҡҡай" балалар баҡсаһында ла бик матур иртәлек үтеп китте. "Аҡбуҙат" төркөмөндәге балалар ҙа, тәрбиәселәр ҙә был сараға етди әҙерләнгән. Кескәйҙәр башҡортса шиғырҙар ятлаған, Ҡыш бабай менән Ҡарһылыуға һөйләп, тәмлекәстәр, бүләктәр алды. Күңелле йырҙар, дәртле бейеүҙәр менән үрелеп барҙы был иртәлек. Ата-әсәләр, балалар бик ҡыуанып таралышты.