Велосипед отоусы Айназ Шәһиев бүләген алырға әсәһе һәм уҡытыусыһы Гөлшат Әкрәм ҡыҙы Вәлиева менән бергә килде. Үҙенең уҡыусыларын маҡтап бөтә алмай Гөлшат апайҙары. Әйткәндәй, ул уҡытҡан ошо 4-се кластан тағы ла ике уҡыусы журналыбыҙҙың башҡа төрлө иҫтәлекле бүләктәренә эйә булды. Улар - Айгиз Вәлишин һәм Илгенә Зәһиҙуллина.
Илгенә лә бүләк алырға ҡыуанып килгән. ''Мин йыл да алдырам Аҡбуҙат"ты",- ти уңған ҡыҙ. Илгенә бик яҡшы уҡый, төрлө фәндәрҙән үткән ярыштарҙа еңеү яулаған. Афарин, Красноусол уҡыусылары!