Ҡыш бабайҙар парады

25 декабрҙә сәғәт бишенсе яртыла (16 .30) В.И.Ленин исемендәге майҙансыҡта Ҡыш бабайҙар парады уҙасаҡ. Йылда үткәрелә торған был сарала дүрт йөҙләп “тылсымсы бабай” ҡатнаша. Ә инде сәғәт киске алтыла (18.00), Ҡыш бабай менән Ҡарһылыу, бар халыҡты уйынлы-көлкөлө, йырлы-бейеүле шыршы байрамын асыу тантанаһына саҡыра. Шулай уҡ йәш барабансылар, ҡала мәҙәните йорто оркестры һ.б. үҙҙәренең сығыштары менән байрам кисәһен тағы ла күркәмләп биҙәп ебәрер. Сара ҡала шыршыһының “йылп-йылп” килеп янған баҙлауыҡ-йондоҙҙарҙың ҡабыныуы менән тамамланасаҡ.