Кемдең сәскәләре иң матуры?

Кемдең сәскәләре иң матуры?(әкиәт)

Башҡорт телендә һөйләшәм

(әкиәт)

Бер заман йыл миҙгелдәре: ”Кемдең сәскәләре иң матуры?” — тиеп бәхәсләшеп киткән.

Яҙ үҙенең ялтыр үксәһе менән берҙе туҡылдатҡан икән, ҡар ирегән, йырғанаҡтар аҡҡан. Ер өҫтөн умырзая, үгәй-инә үләне, бәпембә, нәркәс сәскәләре ҡаплап алған.

— Күрҙегеҙме, яҙ сәскәләре ниндәй матур! — тиеп маһайған ул.

— Матур, әлбиттә. Тик минең яландағы сәскәләремә етмәй шул! — тип ҡаршы төшкән Йәй. Аллы-гөллө яулығын һелкеп ебәргән икән, ҡыңғырау, аҡ сәскәләр, ҡәнәферҙәр, миләүшәләр үҫеп сыҡҡан. Ә бал ҡорттары туҡранбаш, мәтрүшкәнән, зәңгәр сәскәнән һут йыя икән.

Һалҡын көҙ, көнләшеп, әсе елдәрен өрҙөргән. Йәйҙең сәскәләре һулыған да ҡуйған, ти.

— Минең сәскәләрем һеҙҙекенән бер ҙә кәм түгел. Ана, ҡайһылай балҡып ултыралар! — тигән баҡсалағы лилиә, астра, георгин, хризантемаларға күрһәтеп.

Ҡыш урман-ҡырҙарҙы, баҫыуҙарҙы мамыҡтай ап-аҡ ҡар менән тултырған. Үҙе иһә, һәр бер өйҙөң тәҙрә төптәрендә хуш еҫ бөркөп ултырған ҡына гөлө, яран гөлө, орхидея сәскәләренә һоҡлана, ти.

— Минең сәскәләрем һыуыҡҡа ла бирешмәй, бар донъяға нур сәсә! — тип маҡтанған Ҡыш.

Дүрт миҙгел әле һаман да бер-береһен уҙыша алмай, бәхәсләшә икән...

Дуҫтар, әйтегеҙ әле, ниндәй миҙгелдең сәскәләре матур?!

Һеҙ тағы ла ниндәй сәскә исемдәре беләһегеҙ? Әңгәмә ҡороғоҙ!

Һүҙлек:

умырзая — подснежник

үгәй-инә үләне — мать-и-мачеха

миләүшә — фиалка

туҡранбаш — клевер

мәтрүшкә — душица

яран гөл — герань

Рубриканы Миңлегөл ТАЙСИНА алып бара.

Читайте нас:

Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.

Баш мөхәррир Абдуллина Лариса Хашим ҡыҙы

Телефон

89659441892

Электрон почта

[email protected]

Адресы

г. Уфа, ул. 50 лет Октября, 13, 1 этаж

Реклама хеҙмәте

(347) 2927761

Редакция

(347) 2927761

Ҡабул итеү бүлмәһе

(347) 2927761

Хеҙмәттәшлек

89659441892

Кадрҙар бүлеге

8(347)272-42-07