"Салют" реабилитация-белем биреү комплексы ишектәрен асты.

Башҡортостан Башлығы республика халҡын яңы комплекс асылыуы менән ҡотланы һәм уны төҙөүҙә ҡатнашҡандарға рәхмәт белдерҙе. Республикабыҙҙа 20 меңдән ашыу "махсус" бала бар, уларға иғтибар һәм уңайлы шарттар кәрәк. Шуға күрә ата-әсәләр үтенесе буйынса "Салют" комплексын төҙөү тураһында ҡарар ҡабул иттек. Был уникаль учреждение. Беҙ унда социаль һәм медицина реабилитацияһын, белем биреү һәм коррекция программаларын берләштерергә тырыштыҡ, тип билдәләне башлыҡ Радий Фәрит улы Хәбиров.