-1 °С
Болотло
Бөтә яңылыҡтар
Халыҡ ижады
5 Сентябрь , 15:05
БАРМАҠТАР МЕНӘН УЙНАҒАНДА
#халыҡижады
БАРМАҠТАР МЕНӘН УЙНАҒАНДА
Ҡарға килгән — ҡаҙан аҫҡан,
Сыпсыҡ килгән — бәрәңге әрсегән,
Торна килгән — ҡамыр баҫҡан.
Боғор-боғор аш бешкән.
Сыйырсыҡ килгән — аш бушатҡан,
Төйлөгән килгән — бүлгән,
Быға (баш бармаҡҡа) биргән,
Быға (имән бармаҡҡа) биргән,
Быға (урта бармаҡҡа) биргән,
Быға (атһыҙ бармаҡҡа) биргән,
Ә быға (сәтәкәй бармаҡҡа) бирмәй ҡалдырған.
Кетер, кетер, көтөр,
Ҡаҙан төбөн кимер.
Быға (атһыҙ бармаҡҡа) биргән,
Ә быға (сәтәкәй бармаҡҡа) бирмәй ҡалдырған.
Кетер, кетер, көтөр,
Ҡаҙан төбөн кимер.
***
Һәр бармаҡты бөгөп:
Баш бармаҡ бау ишә,
Имән бармаҡ имән киҫә,
Урта бармаҡ утын яра,
Атһыҙ бармаҡ ат ҡыуа,
Сәтәкәй бармаҡ сәй эсә.
Баш бармаҡ бау ишә,
Имән бармаҡ имән киҫә,
Урта бармаҡ утын яра,
Атһыҙ бармаҡ ат ҡыуа,
Сәтәкәй бармаҡ сәй эсә.
***
Баш бармаҡ: «Бутҡа бешерәйек», — ти.
Имән бармаҡ: «Ярма ҡайҙан алайыҡ?»— ти.
Урта бармаҡ: «Үтескә алып торайыҡ»,— ти.
Исемһеҙ бармаҡ: «Уны ҡасан түләрбеҙ?»— ти.
Кескәй бармаҡ: «Ашайыҡ та ҡасайыҡ» ти.
Имән бармаҡ: «Ярма ҡайҙан алайыҡ?»— ти.
Урта бармаҡ: «Үтескә алып торайыҡ»,— ти.
Исемһеҙ бармаҡ: «Уны ҡасан түләрбеҙ?»— ти.
Кескәй бармаҡ: «Ашайыҡ та ҡасайыҡ» ти.
***
Баш бармаҡ: «Бөгәм дә бөгәм».
Күрһәткес: «Сүгәм дә сүгәм».
Урта бармаҡ: «Сигәм дә сигәм".
Бәпес бармаҡ: «Арағыҙҙа тик бер үҙем интегәм».
Күрһәткес: «Сүгәм дә сүгәм».
Урта бармаҡ: «Сигәм дә сигәм".
Бәпес бармаҡ: «Арағыҙҙа тик бер үҙем интегәм».
***
Баш бармаҡ баш ҡашый,
Имән бармаҡ имән ташый,
Урта бармаҡ утын яра,
Атһыҙ бармаҡ ат ҡыуа,
Сәңсә бармаҡ сәй эсә
Имән бармаҡ имән ташый,
Урта бармаҡ утын яра,
Атһыҙ бармаҡ ат ҡыуа,
Сәңсә бармаҡ сәй эсә
***
Бер тинек — бөрмәк,
Ике тинек — икмәк,
Өс тинек — өсмәк,
Дүрт тинек — дүртмәк,
Биш тинек — бишмәк,
Алты тинек — алмаҡ,
Ете тинек — етмәк,
Һигеҙ тинек — һигеҙмәк,
Туғыҙ тинек — туғыҙмаҡ,
Ун тинек — уймаҡ.
Ике тинек — икмәк,
Өс тинек — өсмәк,
Дүрт тинек — дүртмәк,
Биш тинек — бишмәк,
Алты тинек — алмаҡ,
Ете тинек — етмәк,
Һигеҙ тинек — һигеҙмәк,
Туғыҙ тинек — туғыҙмаҡ,
Ун тинек — уймаҡ.
"Балалар фольклоры" китабынан.
Фото: Зиннур Боҫҡоновтан.
Новости партнеров
© 2025 «Аҡбуҙат» - Мәктәпкәсә йәштәге һәм башланғыс класс уҡыусылары өсөн әҙәби-нәфис журнал. Сайттағы мәҡәләләрҙе администрацияның ризалығы менән генә күсереп алырға рөхсәт ителә.
Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.
Баш мөхәррир Абдуллина Лариса Хашим ҡыҙы
Телефон
89659441892
Электрон почта
akbuzat-journal@yandex.ru
Адресы
г. Уфа, ул. 50 лет Октября, 13, 1 этаж
Реклама хеҙмәте
(347) 2927761
Редакция
(347) 2927761
Ҡабул итеү бүлмәһе
(347) 2927761
Хеҙмәттәшлек
89659441892
Кадрҙар бүлеге
8(347)272-42-07