КӨН ТОРОШОНА БӘЙЛЕ ТЕЛӘКТӘР

Сыуаҡ апай, кил, кил.
Һалҡын еҙнәй, кит, кит.

* * *
Һалҡын ағай, кит, кит,
Ҡояш апай, сыҡ, сыҡ.
Һөтлө һыйыр яланда, яланда,
Майлы бутҡа ҡаҙанда, ҡаҙанда,
Тәтәй ҡалаҡ баҙарҙа, баҙарҙа,
Ҡояш апай, сыҡ, сыҡ.

* * *
Ҡояш апай, сыҡ, сыҡ,
Һалҡын ағай, кит, кит.
Һимеҙ тәкә һуйырмын,
Майын һиңә ҡуйырмын,
Итен үҙем ашармын,
Һөйәген эткә ташлармын.
Ҡара кәпәс, кит, кит,
Ҡояш апай, кил, кил,
Бер йылмайып көл, көл.

* * *
Ҡояш, сыҡ, сыҡ, сыҡ!
Майлы ҡашыҡ бирермен
Майлы таба бирермен,
һимеҙ үгеҙ һуярмын,
Майын һиңә ҡуярмын,
Итен үҙем ашармын,
Һөйәген эткә таш лармын.
Ҡояш, сыҡ, сыҡ, сыҡ.

* * *

Сыуаҡ әбей, сыҡ, сыҡ!
һимеҙ һарыҡ һуярмын,
Майын һиңә ҡуярмын,
Итен үҙем ашармын,
һөйәген эткә ташлармын,
Сыуаҡ әбей, сыҡ, сыҡ!
* * *
Ҡояш апай, кил, кил,
Ҡара кәпәс, кит, кит. 
* * *
Ҡояш апай, сыҡ, сыҡ,
Майлы бутҡа бирермен,
Ялтыр ҡашыҡ бирермен.
Ялтыр ҡашыҡ баҙарҙа,
Майлы бутҡа ҡаҙанда.

Фото: "Фотографии ИнНу Инзирә һәм Нурзилә" төркөмөнән