+15 °С
Облачно
Халыҡ ижады
28 Июня 2025, 09:30
АЛҒЫШ
Халыҡ ижады
АЛҒЫШ
Алғыш әйтәм, алығыҙ!
Яҡшы юлдан барығыҙ,
Теләк – ул изге терәк,
Теләк барына кәрәк!
Яҡшыларға, яҡтыларға,
Һәр ике әҙәми затҡа
Яҡшылыҡ теләп йөрөгөҙ –
Яҡшы булыр көнөгөҙ!
Ғүмер юлы тиҙ үтә –
Теләк теләп ҡалығыҙ!
Алғыш юлы – иман юлы,
Алғыш алыу – уңыш юлы –
Алғыш ала барығыҙ!
Алғыш бирә барығыҙ!
Розалия СОЛТАНГӘРӘЕВА,
филология фәндәре докторы.
Рәссам Таңсулпан КҮГӘРСЕН