"Иң шәп өләсәй" конкурсы буйынса килгән йыш һорауҙарға яуап бирәбеҙ!

❓- Конкурсҡа ҡушылыу өсөн иң башта ни эшләргә кәрәк?
❗- Иң беренсе ғариза һәм мәғлүмәт эшкәртеү тураһында ризалыҡ ебәреү кәрәк. Улар Бәйләнештә селтәрендә беҙҙең төркөмдә бар. Йә 89177602527 һандары буйынса шылтыратып белешә алаһығыҙ.

❓- Мине конкурсҡа алғандармы икәнлеген нисек белергә?
❗- Һеҙ ғариза ебәргәс, "Аҡбуҙат" хеҙмәткәрҙәре бәйләнешкә сыға. Ғариза ебәргән өләсәйҙәр шунда уҡ беҙҙең конкурс ҡатнашыусыһы булып китә.

❓- Ә ниндәй саралар үткәрергә мөмкин?
❗- Барыһы ла һеҙҙең фантазиянан тора. Балалар баҡсаһында оҫталыҡ дәрестәре, йола, ғөрөф-ғәҙәт күрһәтеү, әкиәттәр уҡыу - ниндәй сара үткәрергә тик һеҙ үҙегеҙ хәл итәһегеҙ.

❓- Ә минең үткәргән сараларымды баһалама ағзалары нисек күрер?
❗- Үткәргән бөтә сараларығыҙҙы ла Бәйләнештә селтәрендә үҙегеҙҙең сәхифәгеҙҙә күрһәтеп барыу кәрәк. Шуға ла "Аҡбуҙат"хеҙмәткәрҙәре һәр берегеҙҙән бәйләнештәге сәхифәгеҙгә һылтанма һорап ала.

❓- "Аҡбуҙат" журналына яҙылыу мотлаҡмы?
❗- Әлбиттә! Конкурста ҡатнашыусылар беҙҙең баҫмаға яҙылған булырға тейеш. Һәм башҡаларҙы ла журналға яҙҙырып, квитанцияларҙы йыйып барыу кәрәк. Был һеҙгә өҫтәлмә мәрәй буласаҡ.

❓- Еңеүселәргә бүләктәр бармы?
❗- Һис шикһеҙ!
Бына улар:
🎁 3 робот саңһурғыс;
🎁 3 "Алиса" аҡыллы колонкаҺы;
🎁 2 икмәк мейесе;
🎁 1 саңһурғыс!

Фото: Зиннур Боҫҡоновтан.