“Мега» сауҙа үҙәгендә - Башҡорт теле көнө! 14 декабрь Башҡорт теле көнө уңайын

14 декабрь Башҡорт теле көнө уңайынан “Мега» сауҙа-күңел асыу үҙәгендә ҙур байрам үтте. «Мин яратам һине, тыуған телем» тип аталған сарала эстрадабыҙҙың танылған артистары: Азат Биксурин, Лилиә Ишемйәрова, Салауат Мөхәмәтйәров, Илдар Абдуллин, Рәфис Сирусин, Тимур Рамаҙанов сығыш яһаны. Шулай уҡ талантлы йәш йырсы Наҙгөл Отузова, “Тамыр” вокал ансамбле, «Бишбармаҡ» оркестры сығыштарын да тамашасы бик йылы ҡабул итте.

Кисәнең алып барыусылары менән берлектә кескәй тамашасылар башҡорт теленә бәйле уйындар уйнаны, конкурстарҙа ҡатнашты, төрлө мәҡәл, әйтемдәрҙе иҫкә төшөрҙө. Иң әүҙем ҡатнашыусылар бүләктәр, концерттарға билеттар алып ҡыуанды.

Фотолар: Башҡорт телен һаҡлау һәм үҫтереү буйынса автономиялы коммерцияға ҡарамаған ойошманан