21 октябрь - Милли бейеү көнө!

Башҡортостанда 21 октябрь көнө Милли бейеү көнө билдәләнәсәк. Башҡортостан Башлығы Радий Хәбиров тейешле Указға ҡул ҡуйҙы. Документта билдәләнеүенсә, байрам төбәк халыҡтарының мәҙәниәтен һаҡлауға һәм үҫтереүгә булышлыҡ итәсәк.

Тап 21 октябрь - күренекле хореограф Фәйзи Ғәскәровтың тыуған көнө!
Фәйзи Әҙеһәм улы Ғәскәров — беренсе башҡорт профессиональ бейеүсеһе, хореографы һәм балетмейстеры. БАССР-ҙың һәм РСФСР-ҙың атҡаҙанған сәнғәт эшмәкәре, Салауат Юлаев исемендәге дәүләт премияһы лауреаты.

Был байрам көнө Башҡортостан ҡалалары һәм райондарында милли бейеүҙәрҙе популяштырыуға йүнәлтелгән саралар үткәрергә тәҡдим яһалды.

Фото: Фотографии ИнНу Инзирә һәм Нурзилә төркөмөнән.

Автор: Рита Стеничкина

Читайте нас