Балалар өсөн йыл әйләнәһенә эшләйәсәк ял үҙәге асыла

Был эшмәкәрлекте дәүләт-шәхи партнерлыҡ механизмын ҡулланыу ярҙамында бойомға ашырырға йыйыналар, йәғни “Балалар ялының милли операторы” ойошмаһы дәүләт менән берлектә Башҡортостанда йыл әйләнәһенә эшләйәсәк балалар ял үҙәген асыу теләген белдергән.

• Бурысыбыҙ – балаларға бар яҡлап – рухи, әхлаҡи, физик, интеллектуаль үҫеш өсөн шарттар булдырыу. Шуға күрә был тәҡдимде бойомға ашырыу алгоритмын уйлап табырға кәрәк, - тиҙәр Башҡортостан Хөкүмәтендә.

“Балалар ялының милли операторы” ойошмаһы директоры Евгений Шулятьев был проектың балалар ялының яңы төрө икәнлеге хаҡында белдерҙе: балалар өсөн ял үҙәге йыл әйләнәһенә эшләйәсәк, унда өҫтәлмә белем биреү үҙәге, спорт залдары, медицина блогы һәм күргәҙмә үҙәге буласаҡ.