Башҡортостанда 19 атай «Ватанды һаҡлаусы атаһы» йәмәғәт миҙалы менән бүләкләнде!

Уларҙың барыһы ла йәмәғәт эштәре менән әүҙем шөғөлләнә, ветерандарға һәм махсус хәрби операцияла ҡатнашыусыларға, уларҙың ғаиләһенә ярҙам күрһәтә, йәштәр өсөн өлгө булып тора, үҙ ватанының ысын илһөйәрҙәрен тәрбиәләй.

Награданы "Рәсәй халыҡтары ассамблеяһы" дөйөм Рәсәй ижтимағи-дәүләт ойошмаһының төбәк бүлексәһе һәм "Ватанды һаҡлаусылар" махсус хәрби операцияһында ҡатнашыусыларға ярҙам итеү дәүләт фондының республика филиалы булдырған. Маҡсат - Башҡортостанда шәхес формалаштырыуҙа һәм илһөйәрлек тәрбиәһе биреүҙә атайҙарҙың статусын күтәреү.

Тәүге тапҡыр миҙалдар 2024 йылдың көҙөндә тапшырылғайны, хәҙер инде наградаға 120-нән ашыу кеше лайыҡ.

Фотолар "Ватанды һаҡлаусылар" фонды сайтынан алынды.