Осрашыу урыны - китапхана

Кескәйҙәр менән ойошторолған сараға "Томан" позывнойлы яугир Ринат Күлтоманов та саҡырылғайны. Балалар үҙҙәренең ихласлығы, әүҙемлеге, эскерһеҙлеге менән килгән ҡунаҡтарҙы хайран ҡалдырҙы. "Башҡорт телен мәктәптә өйрәнәбеҙ бит, башҡортса шиғырҙар тыңларға бик тә яратабыҙ", - тигәс, "Аҡбуҙат" журналының баш мөхәррире Лариса Абдуллина уларға шиғыр уҡып ишеттерҙе. Ринат Күлтоманов та үҙе ижад иткән шиғырҙарын тәҡдим итте. Шулай уҡ яугирҙың махсус хәрби операция, яугирҙарыбыҙ, илһөйәрлек тойғоһо хаҡында һөйләүен уҡыусылар ҙур иғтибар менән тыңланы, һорауҙарына яуап та алды. Сара тамамланғас та ҡунаҡтарҙы тиҙ генә ебәрмәне балалар: автограф һораны, үҙҙәре үк иҫтәлеккә фотоға төштө.