"Аҡбуҙат" журналының "Бәпембә" рубрикаһы барыһына ла яҡшы таныш

Ата-әсәйҙәр ҙә, кескәйҙәр ҙә яҡшы белә был рубриканы. Элек-электән унда бәләкәстәрҙең рәсемдәре донъя күрә килә.

Баҫмабыҙҙың 1-се һанында Бүздәк районы балаларының һүрәттәре урын алғайны. Ғинуарҙа "Аҡбуҙат" журналын ойоштороусыларҙың береһе, уның беренсе баш мөхәррире Факиһа Туғыҙбаеваның тыуған көнө билдәләнгәс, балалар үҙ рәсемдәрен әҙибәнең ижадына арнаны. Ә Искәндәр Дәүләтбаев менән Марат Мөрсәлимов Факиһа Һаҙый ҡыҙының портретын эшләп ебәргәйне. Бик оҡшатҡан балалар, шулай бит?

Журнал биттәрендә үҙ рәсемдәрен күрергә теләүселәр ижади эштәрен беҙҙең Бәйләнештә селтәрендәге төркөмгә ебәрә ала!