Бармаҡ уйыны "Йәшелсәләр"

1.Наҙгөл көҙгө йәрминкәгә барған (һуҡ бармаҡ һәм урта бармаҡ менән өҫтәл буйлап атлайбыҙ)

Йәрминкәнән йәшелсәләр алып ҡайтҡан (бармаҡтарҙы алмашлап бөгәбеҙ): 

Кәбеҫтә,

Картуф,

Кишер,

Сөгөлдөр, 

Һуған,

Борсаҡ,

Көсө етте уларға саҡ! Эх!. (устарға һуғыу) 

2. Йәшелсәләр бәхәс ҡорҙо, (ике ҡулдың да бармаҡтарын йоҙроҡҡа йомабыҙ һәм асабыҙ),

Кем иң тәмлеһе, кем файҙалы? (бармаҡтарҙы алмашлап бөгәбеҙ):

Кәбеҫтә?

Картуф?

Кишер?

Сөгөлдөр?

Һуған йәки борсаҡ? Эх!. (устарға һуғыу)  

3. Наҙгөл ҡулына бысаҡ алды (ҡулдың ҡабырғаһы менән ҡырҡыу хәрәкәттәре яһайбыҙ),

Йәшелсәләрҙе турай һалды(бармаҡтарҙы алмашлап бөгәбеҙ):

Кәбеҫтәне,

Картуфты,

Кишерҙе,

Сөгөлдөрҙө,

Һуғанды һәм борсаҡты. Эх!. (устарға һуғыу)  

4. Кәстрүлгә һалып ҡапҡасын япты (бер ҡулдың усы менән йоҙроҡҡа йомолған икенсе ҡулды ҡаплайбыҙ),

Эҫе һыуҙа ҡайнаны ла ҡайнаны (бармаҡтарҙы алмашлап бөгәбеҙ):

Кәбеҫтә,

Картуф,

Кишер,

Сөгөлдөр,

Һуған,

Борсаҡ. Эх!. (устарға һуғыу)

Йәшелсә ашы бик тәмле булды!(ус менән ҡорһаҡты һыйпайбыҙ)

Айгөл Ураҙбаева,  

Сибай ҡалаһы Бала үҫтереү үҙәге – “Аҡбуҙат” балалар баҡсаһының уҡытыусы-логопеды.