Шунан һуң нисек?

Уйнаусылар түңәрәкләп ултыралар. Берәү һөйләй башлай:

- Мин бер заман Һиндостанда сәйәхәт итеп йөрөгәндә юлбарыҫҡа осраным. Юлбарыҫ кинәт... - тигәндә хикәйәһен туҡтата ла тиҙ генә берәйһенең ҡаршыһына килеп:

- Шунан һуң нисек? - тип һорай.

Ул кеше хикәйәне өҙөлгән еренән тиҙ генә ялғап алып китергә тейеш.

Һөйләп алып киткән кеше тағын хикәйәһен кинәт кенә өҙә лә берәй уйнаусы алдына килеп баҫа:

- Шунан һуң нисек? - тип һорай.

Һоралған кеше бер нәмә лә һөйләй алмаһа, уға "яза" бирелә.