Мөйөш алыу

Дүрт бала дүрт “әбей” исемен алып, дүрт мөйөшкә баҫа. Бишенсеһе – “убыр әбей” уртаға баҫып, әбейҙәрҙән мунса һорап сыға. Улар, төрлө һылтау тапҡан булып, мунса бирмәйҙәр.

- Әбей мунса бир әле.

- Мунсам буш түгел.

- Әбей мунса бир әле.

- Этем көсөкләне.

- Әбей мунса бир әле.

- Ташы төшкән.

Шунан тиҙ генә: “Һап-һап-һап”, - тип ҡысҡыралар. Шул арала әбейҙәр мөйөштәрен бер-береһе менән алмашып өлгөрәләр. “Убыр әбей” шул ваҡытта бер мөйөштө алып ҡалырға тырыша. Кем мөйөшһөҙ ҡала, шул уртала “убыр әбей” булып, уйын дауам итә.