Әгәр ҙә иптәшегеҙ булһа, әҙәпле генә түбәндәгесә нәсихәт әйтегеҙ: "Һәр кемдә бер төрлө кәмселек булыр, беҙҙең кәмселегебеҙ, бәлки, тағы ла артыҡтыр". Әгәр ул һеҙҙән кесе булһа, шәфҡәтле генә ҡаршы килегеҙ.
Ҡолаҡтарҙы, бигерәк тә йоҡонан торғас, таҙа һыу менән йыуығыҙ, уны туҙан оялатып, бысраҡ йөрөүҙән һаҡлағыҙ.
Ҙур, ауыр алҡалар аҫып, ҡолаҡтарҙы боҙмағыҙ йә бөтөнләй таҡмағыҙ. Кәрәкмәгән ваҡытта ҡолаҡтарҙы һауа инмәҫлек итеп ҡалын шәл менән урап ултырмағыҙ.
Ҡолаҡҡа зарарлы булған өсөн көслө тауыштарҙан мөмкин тиклем йыраҡ тороғоҙ. Зарур булмағанда йә табип ҡушмағанда ҡолаҡтарға мамыҡ тултырып йөрөмәгеҙ.
(Ризаитдин ФӘХРЕТДИНОВ)