+13 °С
Болотло
Бөтә яңылыҡтар
Тәрбиә дәрестәре
15 Май 2021, 09:00
БӨЙӨК БАЙРАМ! ПЬЕСА
ЗӨБӘЙҘӘ ИСЛАМОВАБӨЙӨК БАЙРАМ (пьеса)Ҡатнашалар: Хөснулла (командир), Фәрит (кесе лейтенант), Зәлиә (шәфҡәт туташы), Абдулла бабай, Әхмәт (ун йәштәрҙәге полк малайы).Ауыл клубы. Алғы рәттә күкрәктәре орден-миҙалдар менән биҙәлгән өләсәй-олатайҙар урын алған, артҡы рәттәрҙә йәш-елкенсәк. Мәликә әбей менән Вәхит бабай ҙа килгәндәр. Был пьеса нәҡ уларҙың партизандар отрядында булған хәлдән һүрәтләнгән. ШАРШАУ(Көсөргәнешле ҡаты һуғыш бара. Асыҡ “яланды” ҡара төтөн баҫҡан. Снаряд шартлаған, пулемет, автомат тауыштары аралаш яралылар ыңғырашыуы ишетелә).Хөснулла(командир): Егеттәр, бер аҙым сигенмәҫкә. Тыуған еребеҙ өсөн һуңғы һулышҡаса...Фәрит: (ҡобараһы осоп) Командир, танкылар! Фрицтарҙың пехотаһы ла ҡалышмай!
Хөснулла(командир):“Кесе лейтенант! Тиҙерәк окоптарға! Барығыҙ ҙа гранаталарығыҙҙы әҙер тотоғоҙ! Танкыларҙы үткәрмәҫкә! Санитар, ҡайҙа санитар? Яралыларға ашығыс ярҙам күрһәтергә!
Залдан: “Әйҙә, улым, әйҙә, кәрәген бир һин ул ҡәбәхәттәрҙең!” —тигән тауыш ишетелә. Был иһә, Вәхит бабай шулай үҙе менән булған хәлдәрҙе иҫенә төшөрөп, малайҙарҙы сәмләндереп, дәрт өҫтәп ултыра икән.
Зәлиә: Мин әҙер, иптәш командир!
Хөснулла(командир):Әхмәт, Зәлиәгә ярҙамға!
Әхмәт:Минең, иптәш командир, атай, әсәйем өсөн үс алғым килә.Зәлиә апай үҙе лә өлгәшә бит.
Хөснулла(командир): Ни һүҙ ул тағы? Был приказ! Бер һүҙһеҙ, марш!
Әхмәт: (теләр теләмәҫ кенә) Тыңлайым, иптәш командир!
Абдулла бабай: Йә әле, мәхлүк, яҡыныраҡ кил! Һағынып бөткәйнек... Ҡайтыр юлыңды тапмаҫлыҡ итермен мин һинең. Беҙҙең ғәзиз Еребеҙҙе тапап, балаларҙы етем итеп, зар илатып, ҡатындарҙы тол ҡалдырып, ҡайҙа юлландың... Туҡта, етер!
Хөснулла(командир):Кемде шулай уҫал итеп әрләйһең, бабай?
Абдулла бабай: Үҙ-үҙем менән һөйләшәм дә...
Хөснулла(командир):Һин, бабай, окоптан сыҡма, эйелеп йөрөп кенә патрон ташып торһаң да ҙур ярҙамың тейер.
Абдулла бабай:Тыңлайым, иптәш командир. Ә үҙе: “Мин йәшен йәшәгән, ашын ашаған инде, патрон ташырға бәләкәй Әхмәт бар”, — тип эстән һөйләнә-һөйләнә беренсе танкын ҡаршыларға әҙерләнә.
(Шул саҡ беҙҙең ИЛ самолеттары килеп сыға. Һауанан фрицтарҙы бомбаға тоталар. Хөснулланың партизан отряды дошманға ҡаршы ташлана.)
Барыһы ла, дәррәү: “Ур-ра, Ур-ра!” “Еңеү өсөн! Тыуған ил өсөн! Алға!” — тип дошманға ҡаршы ташлана.
Күҙҙәренә йәш тулған Вәхит бабай үҙе лә һиҙмәҫтән “әртистәргә” ҡушылып: “Ур-ра, Ур-ра!”— тип ҡысҡырҙы. Янында ултырған Мәликә әбей: “Йә инде, ҡартым, ултыр, балаларға ҡамасаулама” — тип ипләп кенә костюм салғыйынан тартҡан булды.
ШАРШАУ
(Өй алды. Гимнастерка кейгән малай-ҡыҙҙар тын ғына вальста өйөрөлә....)
Сәхнә артында йыр ишетелә...
Читайте нас:
© 2024 «Аҡбуҙат» - Мәктәпкәсә йәштәге һәм башланғыс класс уҡыусылары өсөн әҙәби-нәфис журнал. Сайттағы мәҡәләләрҙе администрацияның ризалығы менән генә күсереп алырға рөхсәт ителә.
Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.
Баш мөхәррир Абдуллина Лариса Хашим ҡыҙы
Телефон
89659441892
Электрон почта
Адресы
г. Уфа, ул. 50 лет Октября, 13, 1 этаж
Реклама хеҙмәте
(347) 2927761
Редакция
(347) 2927761
Ҡабул итеү бүлмәһе
(347) 2927761
Хеҙмәттәшлек
89659441892
Кадрҙар бүлеге
8(347)272-42-07