-9 °С
Болотло
75 лет Победы
Бөтә яңылыҡтар
Тәмлекәс
9 Ғинуар 2021, 21:48

Тунлы банан

Ҡыҙҙар бәләкәйҙән бешеренеүгә ынтыла. Он менән булышһалар ҙа, аҙыҡ-түлекте боҙор тип ҡурҡһағыҙ ҙа, был теләгенән һүрелдермәҫ кәрәк, минеңсә. Әйҙә, төрлө рецептар эҙләһен, үҙенекен уйлап тапһын, фантазияһын эшкә екһен. Бөгөн банан менән телде йоторлоҡ тәмлекәс әҙерләргә өйрәтәбеҙ һеҙгә. Бергәләп эшләп ҡарағыҙ.

1 банан
50 грамм эремсек
50 грамм май
3 аш ҡалағы шәкәр
2 аш ҡалағы какао
1 аш ҡалағы ҡаймаҡ

Эремсекте ике ҡалаҡ шәкәр һәм май менән болғайбыҙ. Бананды ҡабығынан әрсеп, тәрилкәгә һалабыҙ. Эремсекле массаны ҡалаҡ менән ипләп кенә бананға һылайбыҙ. Өҫтөн шоколад менән ҡаплайбыҙ.
Шоколадты әҙерләү: кәстрүлгә ҡаймаҡ, шәкәр һәм какаоны һалып, утта иретәбеҙ. Шоҡолад ҡуйырмаҫ борон, эремсекле массаны ҡаплайбыҙ. Өҫтөн ваҡланған сәтләүек, кокос йә төҫлө ваҡ кәнфиттәр менән биҙәргә мөмкин.
Читайте нас в