Минең әсәйем кем? Фәрзәнә Ғөбәйҙуллина

I. Тауыҡ ояһында йомортҡа баҫып ултыра. Ул "сип-сип" тигән тауыш ишеткәндәй булды. Йомортҡаларын әйләндереп ҡараны. Береһе лә сатнамаған. Бер йомортҡаның тәгәрләп һалам өҫтөнә төшкәнен күрмәне ҡыҙылҡай. Йомортҡа ҡабығы икегә ярылды. Уның эсенән һап-һары себеш килеп сыҡты. -Сип-сип, ниндәй матур донъя был! - тине лә һарайҙан сығып китте. Себеш һап-һары күбәләк күреп ҡалды. -Әсәйең эргәһенә бар. Юғиһә, аҙашырһың, - тине лә осоп та китте күбәләк. -Әсәйем кем икән һуң? - тип уйға ҡалды себеш.

II.

Себеш ихатала ятҡан быҙау янына килде.

-Ҡара әле! Һин минең әсәйем түгелме ул?

-Мин үҙем дә бәпес кенә әле. Му-у-у!

-Ә ниңә шул тиклем ҙурһың?

-Әсәйем дә ҙур бит минең, - тине быҙау.

III.

Эргәләге таҡта өҫтөндә бесәй ята. Ул ҡояшҡа ҡыҙына.

-Һин минең әсәйем түгелме? - тип себеш бесәйҙе йоҡоһонан уятты.

-Мыяу, теләһәң, һинең әсәйең дә була алам. Кил миңә яҡыныраҡ. Тотоп ҡына ҡарайым әле үҙеңде, һылыуҡай, мыяу...

-Уау-уау! - тип ояһынан атылып сыҡты эт. -Алдай ул, ышанма! Һинең әсәйең - ҡыҙыл тауыҡ. Ана, тегендә ҡупырайып торған әтәс - һинең атайың, уау.

IV.

Эттең тауышын ишетеп, әтәс тә килеп етте:

-Ки-кри-күк, ки-кри-күк! Был бесәйҙән зыян кү-үп!

Бесәй ҡурҡып, тупһа аҫтына инеп юғалды. Әтәс һарыҡайҙы кетәк яғына алып китте:

-Әйҙә, улым, әсәйең һине күптән көтә.

Ә унда тауыҡ ғаиләһе мәж килә. Һап-һары туғандары йомортҡанан сығып бөткәндәр. Улар әсәләре менән пыр туҙып ҡорт-бөжәк эҙләй ине.

(Фәрзәнә Ғәбәйҙуллина)

Автор:Миләүшә Ғәйфуллина

Читайте нас:

Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.

Баш мөхәррир Абдуллина Лариса Хашим ҡыҙы

Телефон

89659441892

Электрон почта

[email protected]

Адресы

г. Уфа, ул. 50 лет Октября, 13, 1 этаж

Реклама хеҙмәте

(347) 2927761

Редакция

(347) 2927761

Ҡабул итеү бүлмәһе

(347) 2927761

Хеҙмәттәшлек

89659441892

Кадрҙар бүлеге

8(347)272-42-07