+25 °С
Ясна
75 лет Победы
Бөтә яңылыҡтар
Шиғри күстәнәс
17 Ғинуар , 10:27

Лариса АБДУЛЛИНА

  Башҡортса өндәш балаңа —Хәйерле көндәр телә.Әсәй башҡортса һөйләшһә,Бала башҡортса белә.


Башҡортса көйлә балаңа —
Бишектән һеңә моңдар.
Сабый саҡтан ишеткәнен
Ул ғүмер буйы тыңлар.


Атай башҡортса һөйләшһә,
Бала аңлай үҙ халҡын.
Бикләп ҡуйма мең йоҙаҡҡа
Ата - бабалар хаҡын.

Әкиәт һөйлә балаңа —
Унда батырҙар еңә.
Яҡшылыҡ маяҡ булыуы
Ул сабый саҡтан һеңә.

Шәжәрә төҙө балаңа —
Ниндәй ҡеүәтле тамыр!
Бер ҡәүемдең вариҫтары
Бер- берен һәр саҡ таныр.

Башҡортса ярат балаңды —
Һөйөп ал арҡаһынан.
Бала наҙҙы һәр саҡ көтә
Әсәһе, атаһынан.

Башҡайынан да һыйпап ал,
Ул яратыуҙы тойһон.
Мөхәббәтле был донъяла
Йәненә һөйөү тулһын!

(Лариса АБДУЛЛИНА)
 
Лариса АБДУЛЛИНА
Лариса АБДУЛЛИНА
Автор:Миләүшә Ғәйфуллина
Читайте нас в