+8 °С
Болотло
Бөтә яңылыҡтар
Шиғри күстәнәс
2 Ноябрь 2021, 11:08
Факиһа ТУҒЫҘБАЕВА
ӘСӘЙЕМДЕҢ ҠУЛЫ КҮП Әсәйемдең бер ҡулы Бешерә миңә мәмәй, Икенсеһе атайыма Яһап тора тәмле сәй;
Факиһа ТУҒЫҘБАЕВА
Өсөнсөһө апайыма
Ишек аса:
"Эй ҡыҙым,
Һуңламасы мәктәбеңә,
Әллә ниңә һуң торҙоң?"
Дүртенсеһе ағайымды
Йоҡоһонан уятты:
"Төнө буйы "телик" ҡарап,
Ай, был бала һуң ятты!"
Олатайға дарыу бирә,
Бишенсе ҡул да кәрәк.
Олатайым:
"Иртән иртүк
Ауырта, - ти бит, - йөрәк",
Алтынсы ҡул өләсәйгә
Кейҙерә матур күлдәк,
Әсәйемдең ҡулы бик күп,
Беҙҙең ғаилә күмәк.
Иртәнге сәй эсеп бөткәс,
Ҡашығаяҡ йыуа ул,
Нисәнсе ҡул икән, тиһәм,
Быныһы етенсе ҡул.
Һигеҙенсе әсәйемдең
Оло сумкаһын тотҡан,
Эшкә ашыҡҡан әсәйем
Нимәһендер онотҡан?
Онотҡан шул:
Туғыҙынсы
Мине һөйә:
"Бәпесем,
Илама, мин тиҙ ҡайтырмын,
Бөткәс тә бөтә эшем!
Унынсы ҡулда - сәғәте, -
Әсәйем ҡарап ала,
- Хәйерле юл, әсәкәйем,
Һин дә эшкә һуңлама!
(Факиһа ТУҒЫҘБАЕВА)
Читайте нас:
© 2025 «Аҡбуҙат» - Мәктәпкәсә йәштәге һәм башланғыс класс уҡыусылары өсөн әҙәби-нәфис журнал. Сайттағы мәҡәләләрҙе администрацияның ризалығы менән генә күсереп алырға рөхсәт ителә.
Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.
Баш мөхәррир Абдуллина Лариса Хашим ҡыҙы
Телефон
89659441892
Электрон почта
Адресы
г. Уфа, ул. 50 лет Октября, 13, 1 этаж
Реклама хеҙмәте
(347) 2927761
Редакция
(347) 2927761
Ҡабул итеү бүлмәһе
(347) 2927761
Хеҙмәттәшлек
89659441892
Кадрҙар бүлеге
8(347)272-42-07