+4 °С
Болотло
Бөтә яңылыҡтар
Шиғри күстәнәс
11 Октябрь 2021, 21:19
Ирек КИНЙӘБУЛАТОВ
ДУҪЛЫҠ ТӨЙӘГЕ Иң оло һүҙ беҙҙә дуҫлыҡ бит ул, Ни ҡәҙерле ысын дуҫлыҡтан? Илемдәге был ҡаҡшамаҫ рухты Алманыҡ беҙ барып бушлыҡтан. Ул яралды хаҡлыҡ теле менән, Ҡеүәтләнде туған телемдә. Ерҙе имен тотор бөгөнгөм дә, Шунан тыуҙы минең илем дә.
Ирек КИНЙӘБУЛАТОВ
Беҙ, әйтерһең, дуҫлыҡ милләтенән,
Бөтәбеҙ ҙә - тиң, шат затлыбыҙ.
Үҙебеҙ тапҡан уртаҡ ҡот-бәхеткә
Бөтәбеҙ ҙә берҙәй хаҡлыбыҙ.
Ерем бөгөн бәхет төйәгеләй,
Бында мәңгелеккә таң атҡан.
Тағы яҡтыраҡҡа талпындыра
Дуҫлыҡ тигән талмаҫ ҡанаттар.
Ул нурҙарҙы, ул йылыны хәҙер
Сабый тоя хатта бишектән!
Ниндәй телдә сәләм бирмәһендәр -
Беҙҙә һәр саҡ асыҡ ишектәр.
Ерем белә: ниндәй дуҫ килһә лә,
Туғанылай башҡорт ҡосҡанын.
Уралымда, дуҫлыҡ түбәһендәй,
Бәхет, шатлыҡ, хаҡлыҡ төйәгендәй,
Балҡый минең Башҡортостаным!
(Ирек КИНЙӘБУЛАТОВ)
Читайте нас:
© 2025 «Аҡбуҙат» - Мәктәпкәсә йәштәге һәм башланғыс класс уҡыусылары өсөн әҙәби-нәфис журнал. Сайттағы мәҡәләләрҙе администрацияның ризалығы менән генә күсереп алырға рөхсәт ителә.
Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.
Баш мөхәррир Абдуллина Лариса Хашим ҡыҙы
Телефон
89659441892
Электрон почта
Адресы
г. Уфа, ул. 50 лет Октября, 13, 1 этаж
Реклама хеҙмәте
(347) 2927761
Редакция
(347) 2927761
Ҡабул итеү бүлмәһе
(347) 2927761
Хеҙмәттәшлек
89659441892
Кадрҙар бүлеге
8(347)272-42-07