* * *
Көҙгө япраҡ әйлән-бәйлән...
Моңһоу ғына ҡойола.
Хәҙер инде һәр аҙымда
Көҙ һалҡыны тойола.
Алдымда - ғәзиз мәктәбем,
Һабаҡташ дуҫ-иштәрем.
Ҡаршы ала икенсе өй
Киң асып ишектәрен...
Тылсымлы моңдар таратып,
Еҙ ҡыңғырау шалтырай.
Уҡыусыларҙы беҙҙә гел
Ҡаршы алалар шулай.
Дин-дилләй, дин-дилләй,
Ҡыңғырау көйөн көйләй.
Шат балалар тауышынаН
Бөтә ер шары гөрләй.
(Миләүшә ҒӘЙФУЛЛИНА)