+4 °С
Ясна
VK
Бөтә яңылыҡтар
Шиғри күстәнәс
30 Июль 2021, 22:05

Балаңа

Башҡортса көйлә балаңа -Бишектән һеңә моңдар.Сабый саҡтан ишеткәненУл ғүмер буйы тыңлар.

Балаңа
Балаңа



Башҡортса өндәш балаңа -
Хәйерле көндәр телә.
Әсәй башҡортса һөйләшһә,
Бала башҡортса белә.

Атай башҡортса һөйләшһә,
Бала аңлай үҙ халҡын.
Бикләп ҡуйма мең йоҙаҡҡа
Ата-бабалар хаҡын.

Әкиәт һөйлә балаңа -
Унда батырҙар еңә.
Яҡшылыҡ маяҡ булыуы
Ул сабый саҡта һеңә.

Шәжәрә төҙө балаңа -
Ниндәй ҡеүәтле тамыр!
Бер ҡәүемдең вариҫтары
Бер-берен һәр саҡ таныр.

Башҡортса ярат балаңды -
Һөйөп ал арҡаһынан.
Бала наҙҙы һәр саҡ көтә
Әсәһе, атаһынан.

Башҡайынан да һыйпап ал,
Ул яратыуҙы тойһон.
Мөхәббәтле был донъяла
Йәненә һөйөү тулһын!

(Лариса АБДУЛЛИНА)

Автор:Миләүшә Ғәйфуллина
Читайте нас: