-6 °С
Болотло
75 лет Победы
Бөтә яңылыҡтар
Шиғри күстәнәс
27 Июль 2021, 09:37

Бала-саға

Фәрүәз СӘЙФУЛЛИН

Бала-саға
Бала-саға

Бала-саға уйнай.

Йүгерәләр, Һикерәләр –

шундай күңелле!

Ярышалар.

Сәм дә, ғәйрәт тә бар…

Кемдер еңде, кемдер еңелде.

Еңеүселәр – дуҫтар:

Маһаймайҙар,

Дуҫлыҡ еңә бындай бәйгелә.

Бала-саға уйнай…

Ҡарап тороп,

Моңһоуланып киттем әҙ генә.

Ниңә мин дә бала түгел икән?

Минең дә бит килә уйнағым.

Баласаҡтан башлап тағы бер ҡат

Һүтке килә ғүмер йомғағын.

…Урам гөрләп тора.

Ырғып-сабып,

Бала-саға уйнай – ҡолонсаҡ.

Бала булып, эй уйнағы килә,

Эй уйнағы килә ҡайһы саҡ.

Автор:Гульнара Мустафина
Читайте нас в