+20 °С
Облачно
75 лет Победы
Бөтә яңылыҡтар

Күрә торған тимер

Өләсәйем оло йәштә,Һәр саҡ күҙлек кейә ул.Шуны кейеп тегә ул,Шуны кейеп сигә ул.

Күрә торған тимер


Бер көн ергә төшөп киткән
Күҙлегенең винтигы.
Эҙләй уны өләсәйем,
Бөк(ө)рәйеп, интегеп.

Шул булмаһа күҙлектә бит
Тормаясаҡ быяла.
Төшөп китһә быяла,
Һәр кем белә - ыуала.

"Ул нәмәкәй, - ти өләсәй -
Бик бәләкәй, кес кенә".
Эй, эҙләйбеҙ, эй, эҙләйбеҙ,
Табып булмай һис кенә.

Инде табылмаҫ тигәндә,
Иҫкә төштө келт итеп,
Айраттарҙа магнит бар бит! -
Алып сыҡтым елт итеп.

Сиҙәм өҫтөнән шыуҙырып
Йөрөткәйнем магнитты,
Ҡапыл юғалған "нәмәкәй"
Магнитымды әп итте.

"Һин булмаһаң, - ти өләсәй, -
Тапмаҫ инем ғүмер, - ти.
- Беҙҙән яҡшы күрә икән
Был әкәмәт тимер", - ти.

Муса СИРАЖИ.

Автор:Миләүшә Ғәйфуллина