-18 °С
Болотло
75 лет Победы
Бөтә яңылыҡтар
Шиғри күстәнәс
30 Ғинуар 2021, 12:15

ШИҒРИ КҮСТӘНӘС

Һандуғас сереИҫемдә генә тотам гелОлатай һөйләгәнде.Сөләймән пәйғәмбәр хаттаАңлаған төйлөгәнде.Торналарҙың араһындаЙөрөгән ул ирәйеп.Ыласындар ҡанаттарынТорған шуға гел йәйеп.Аҡҡоштарҙың, күгәрсендеңАңлаған ни әйтерен.Олатайым һөйләп туймай,Шәптер әле хәтере.- Шул пәйғәмбәр кеүек нисекБулырға һуң, олатай?Үҫкәс, уның кеүек нисекУңырға һуң, олатай?

Оло кеше дауам итә:
- Яратһаң тыуған ерең,
Ҡояш ҡалҡҡан саҡта, таңда
Һандуғас асыр серен.

Хатта үләндәге ысыҡ
Күҙ ҡыҫыр һиңә йым-йым.
Йоҡоңа баш була алмай
Ятһаң, күрмәҫһең тылсым.

Атаң-әсәң һоҡландырып,
Уҡыр кәрәк "5"- легә.
Һандуғас телен аңлайҙар
Тик аҡыллы кешеләр!

...Бөгөн иртән иртүк торҙом,
(Тапманым башҡа сара?!)
Һандуғас серен аңларға
Урманға китеп барам.