ШИҒРИ КҮСТӘНӘС

ЯҢЫ ЙЫЛ тураһында шиғырҙар өйрәнәбеҙ!ҠЫШ БАБАЙҘЫҢ ҒӘҘӘТЕҠыш бабайым ҡарҙар яуғас,Килә беҙгә йылда ла,Бүләктәрен йөкләп алып,Яңы йылға юл һалып.Декабрҙең утыҙ береУл ғәҙәтен ташламай.,Теүәл сәғәт ун икеһеҙЯңы йылды башламай.Кескәйҙәрҙе ҡыуандырыпБирә матур бүләктәр.Һәр бер йортҡа инеп сыға,Әйтеп изге теләктәр.Нәсимә Ғайсина.

ЭНӘЛЕКӘЙ-ШЫРШЫҠАЙ
Энәлекәй-шыршыҡайҙы
Көтөп алам йыл һайын,
Яңы йылдың байрамына,
Декабрҙә, ҡыш айы.

Ултыртамын шыршыҡайҙы
Өй түренә ҡәҙерләп.
Ҡыш бабайым килгәненсә
Биҙәп ҡуям әҙерләп.

Теүәл сәғәт ун икелә,
Ҡабындырам шәмдәрен.
Яңы йылда балҡып торор
Ем-ем янған йәмдәре.

ӘҘЕРЛӘНӘМ ЯҢЫ ЙЫЛҒА
Йәшел генә шыршыҡайға
Уйынсыҡтар эләмен.
Тиҙҙән Яңы йыл килә, тип,
Эй, шатланам, көләмен.

Тәҙрәләргә ҡар бөртөгөн
Үҙем эшләп ҡуямын.
Ал, зәңгәргә, ҡыҙыл төҫкә
Матур итеп буяйым.

Әҙерләнәм Яңы йылға,
Шиғыр һөйләп өйрәндем.
Биҙәп бөткәс, бейей-бейей
Шыршыҡайҙы өйрөлдөм.

Нәсимә Ғайсина.

Читайте нас: