Бөтә яңылыҡтар
Шиғри күстәнәс
27 Октябрь 2020, 14:15

БАЛАЛАРҒА ШИҒРИ КҮСТӘНӘС

Уңыш байрамыБына ниндәй ҙур ҡауындар,Бына ниндәй ҡабаҡтар.Ана ҡыяр, помиҙурҙар,Тулып ята табаҡта. Ҡыуанабыҙ күмәкләшеп,Уңыш быйыл мул ғына.Ҙур уңыш алыуҙың сереТырыш хеҙмәт — шул ғына. Яҙҙан алып ҡаҙҙыҡ, сәстек,Һыу ташыныҡ баҡсаға.Барын үҙебеҙ үҫтерҙек,Алынмаған аҡсаға. Сөгөлдөрҙө тәгәрмәсләп,Кишерҙе оҙонсалап,Тағы йәшелсәләр турапЭшләнек төрлө салат.Гөлнара ХӘЛФЕТДИНОВА.

Беҙ хәҙер уҡыусылар
Уйын бүтән күп эләкмәҫ,
Беҙ хәҙер уҡыусылар.
Беренсе сентябрь менән
Ҡотлай уҡытыусылар.
Бүтән беҙҙең уйҙарыбыҙ,
Икенсерәк хәстәрҙәр.
Хәҙер беҙҙең биштәрҙәрҙә
Китап, ҡәләм, дәфтәрҙәр.
Мәктәп беҙгә ишек аса,
Көтәлер ҡыҙыҡ дәрес.
Көтәләрҙер ҡыңғырауҙар,
Көтә оҙон тәнәфес.
Күмәкләшеп бер мәктәптә
Үткәс ун бер баҫҡысты.
Сикһеҙ донъяның серҙәрен
Асыр белем асҡысы.
Читайте нас в