БАЛАЛАРҒА ШИҒРИ КҮСТӘНӘС

Иламасы, болотҡай!Тәҙрәнән тышты күҙәтәм:Күктә болоттар йөҙә...Шаян елдең шуҡ малайыСәскә таждарын өҙә.Тегеләй ҙә йүгергеләй,Былай ҙа сабып үтә.Йәлләмәйсә, ағастарҙыңЯпраҡ – толомон һүтә.Күңелле уйын ҡорғандыЯмғырбикә лә белеп,Килеп етте, көйәнтәгәТулы биҙрәләр элеп.Икәүләшеп күк йөҙөнөңТыныслығын боҙҙолар,Ҡабарынҡы болоттарҙыСемтеп – семтеп уҙҙылар.Үпкәләне йомшаҡ болот –Буҫлыҡты күҙ йәшенә.Гәлсәр тамсылар тыпылдайЕр – әсәнең түшенә. Иламасы, аҡ болотҡай,Хәҙер йәштәрең кибер.Ҡояш апай ихлас итепЙылы нурҙарын һибер!