-18 °С
Болотло
75 лет Победы
Бөтә яңылыҡтар
Әкиәт иленә сәйәхәт
2 Февраль 2021, 18:20

ӘСӘЙ, УҠЫЙЫҠ ӘЛЕ!

СӘНСКЕЛЕ КҮЛДӘК(Әкиәт)Борон-борон заманда, ылыҫлы урманда...

йәшәгән, ти, һайыҫҡан. Ул йәнлектәргә һәм ҡоштарға тундар һатыу менән көн күргән. Иң беренсе һайыҫҡанға тейен килгән. Ул йөнтәҫ, матур ҡойроҡло тунды һайлап алған. Аҙаҡ төлкө килгән дә үҙенә оҡшаған тунды алып ҡайтып киткән. Һайыҫҡан бөтә кейектәргә һәм ҡоштарға ла күңелдәренә ятҡан кейемде таратып бөткәс, һуңғы булып терпе килгән. Ул үҙенең өйҙәге эшен тамамлап, ҡыҫҡа аяҡтары менән саҡ килеп етеүгә һайыҫҡан табышын һанап ултыра, ти. Терпе үҙенә тун ҡалмағанын белгәс, түңгәккә ултырып, әсе итеп илап ебәргән. Уның һыҡтауына йәнлектәр һәм ҡоштар йыйылған, ти. Үҙ-ара кәңәшләшкәндән һуң, улар терпегә үҙҙәре тун тегеп бирергә булған, ти. Ҡоштар суҡыштары менән яҡын-тирәләге шыршыларҙан энәләр ташыһа, йәнлектәр уларҙан тун теккән. Шул саҡтан бирле терпеләрҙең тундары иҫ киткес матур булмаһа ла, бик ышаныслы, ти.
Гүзәл СӘЙФУЛЛИНА,
Учалы ҡалаһы 10-сы урта мәктәбе.