Йылы яҡҡа китәм... Фәйрүзә Фәтҡуллина

Көҙ етте. Тумыртҡа бөгөн дә иртүк ағас ҡайрыларын аҡтарып, аҙыҡ эҙләй башланы. - Ҡар-р, ҡар-р таң менән туҡылдамаһаң ни була? – тип асыуланып ҡарҡылданы ала ҡарға. - Миңә лә йоҡларға ирек бирмәйһең, - тип зарланды Өкө. - Төнөн һунарға йөрөмә һуң. Башҡа ҡоштар кеүек көндөҙ туҡлан. Тумыртҡа тамағын да туйҙыра, урманды ла ҡоротҡостарҙан да һаҡлай, - тип һүҙгә ҡушылды Һандуғас. - Ҡорттарҙа эшем юҡ, миңә тирә-яҡтағы яңылыҡтарҙы тыңларға ҡамасаулайһың, - тип шыҡырыҡланы Һайыҫҡан. - Мине бында һыйҙырмайҙар, һинең менән йылы яҡҡа китәм, - тине Һандуғасҡа, үпкәләгән Тумыртҡа. - Юл оҙон, түҙһәң әйҙә! Тумыртҡа юлға әҙерләнә башланы. Бер көн юлдаштары менән танышырға барҙы. Барҙы ла иҫе китеп туҡтап ҡалды. Ниндәй генә ҡоштар йыйылмаған... Оҙон ботло, муйынлы торналар, ап-аҡ аҡҡош, ҡауҙы, селән менән өйрәктәр бер урында тупланған. - Бөжәктәр менән туҡланыусы ваҡ ҡоштар ҡарлуғас, сыйырсыҡ, кәкүк һәм беҙ иртәрәк, ә һыу ҡоштары иң һуңынан ҡуҙғала, - тине Һандуғас. Ниһәйәт осор көн етте... (дауамы - сайтта)