ҺЕҘҘЕҢ ЯҠТА ЛА ӘЙЕНСЕЛӘЙМЕ БАЛАЛАР?
Әйенселәү – башҡорт халҡының бик борондан килгән йолаһы. Уның тамырҙары исламға тиклемге осорҙарға барып тоташа. Ураҙа байрамы көнө балалар борон-борондан, тоҡсай тотоп, өйҙән-өйгә йөрөп, әйенселәгән. Беҙҙең Ишейҙә лә был йоланы балалар атҡарып килә, өй һайын йөрөп, байрам менән ҡотлап, хәл-әхүәл белешеп, күстәнәстәр алып, үҙҙәре бер ҡыуанып, халыҡты икеләтә ҡыуандырып йөрөйҙәр уңғырҙар.Венера ҠАСҠЫНОВА.