Тирә-яҡты сүптән таҙартып, бүләк оторға була!

Беҙҙе “Йәшел Башҡортостан” хәрәкәте “Таҙа уйындар” ойошмаһы 5 июндә башланған ярышта әүҙемерәк ҡатнашырға саҡыра. Бының өсөн бары тик үҙегеҙҙең төбәгегеҙҙә, урамда булһынмы, 30 июнгә тиклем сүп йыйып, уны “Бәйләнештә”, “Instagram” социаль селтәрҙәрендә ҡайһы урын таҙартылыуын күрһәтеп, #боймусору, #ЗеленаяБашкирия хэштегы менән элеп ҡуйырға һәм @clean_games аккаунтына яҙылырға кәрәк.

Еңеүселәр онлайн бүләкләү ысулы менән “Хеҙмәт батыры” (иң күп сүп йыйыусы), “Супергерой” (үҙенең шәхси брендын сүп йыйыуға ҡороусы), “Айырым хеҙмәт батыры” (төрлө ҡыйҙарҙы йыйып, эшкәртеүгә тапшырыусы), “Ғаилә хеҙмәте батыры” (ғаиләләре менән ҡый йыйыусылар), “Таҙалыҡ батыры” (ентекләп ваҡ сүп йыйыусы) номинацияларында бүләкләнәсәк. Бынан тыш, махсус номинациялар ҙа ҡаралған: “Үҙенсәлекле хеҙмәт геройы” (үҙенсәлекле ысул менән ҡый йыйыусы), “Корпоратив хеҙмәт батыры” (иң күп сүп йыйған корпоратив волонтер), “Дәүләт хеҙмәте батыры” (башҡаларҙан күберәк сүп йыйған чиновник), “Халыҡ геройы” (лайыҡтарҙы иң күп йыйыусы). Йәнә лә битлектәр һәм бирсәткәләр йыйыусыға айырым бүләк ҡаралған. Унан тыш, “Сүптәр менән кәрәшеүсе супергерой”ға “Бәйләнештә” социаль селтәренең махсус бүләге лә бар. Ҡатнашабыҙмы?

Фото Яндекстан алынды.