«Ашҡаҙар» радиоһында башҡорт халыҡ йырҙары көнө

Тура эфирҙа тамашасыларҙың һорауҙарына Башҡортостандың халыҡ артисы Тәнзилә Үҙәнбаева яуап бирергә әҙер. «Беҙ тематик көндәрҙе әҙерләгәндә Башҡортостан радиоһы фондында һаҡланған тапшырыуҙарҙы анализлайбыҙ. Иң яҡшыларын эфирға ҡуябыҙ. Шул уҡ ваҡытта ниндәй темаға, ниндәй шәхестәребеҙ тураһында материалдар юҡ, үҙебеҙ өсөн киләсәккә пландар ҙа барлайбыҙ. Ғөмүмән, тыңлаусылар өсөн дә, радио хеҙмәткәрҙәре өсөн дә бик ҡыҙыҡлы көн был. Әйткәндәй, радиобыҙҙың дуҫтары кесаҙна эфирын тыңлағандан һуң үҙебеҙҙә рух күтәренкелеге тоябыҙ, йәшәүгә көс арта, тиҙәр. Был беҙҙең өсөн иң юғары баһа», - ти “Ашҡаҙар” радиоһының баш мөхәррире Гәүһәр Батталова.

Киләһе аҙнала «Ашҡаҙар» радиоһының кесаҙна эфиры башҡорт яҙыусыларына арнала.