Әминә Шафиҡова, БР Мәҙәниәт министры. Бөрйән районының Ырғыҙлы ауылы ҡыҙы. Ауылдары уртаһынан, тулы, һалҡын һыулы, шәп ағышлы Ырғыҙлы йылғаһы аға.
Өйҙәре эргәһенән генә - Алтынбей шишмәһе сылтырай. - Унан кескәй биҙрәм менән һыу алғанда ваҡ селтейҙәр ҙә эләккәне хәтерҙә, - тип хәтерләй ул.
Көндөҙ, пекарняла икмәк бешһә, барлыҡ бала-саға , ҡайтҡанда ҡытырҙап торған ҡыйырын ашар өсөн, хуш еҫле икмәк алырға йүгерә инек...
Тағы иҫке клуб һәм балалар баҡсаһы хәтерҙә. Мин уларҙа сығыш яһарға ярата инем – ҙур ихласлыҡ менән йырланым. Ул ваҡытта миңә клуб бик ҙур һымаҡ, ә залда халыҡ бик күп һымаҡ тойола ине.
Ул мәлдәрҙә ауылда балаларҙың ҙур коллективтары булманы. Булһа, әсәйем мине мотлаҡ йөрөтәр ине.