Беҙҙе уратып алған көндәлек әйберҙәрҙең 90 процентлабы нефть һәм газ компоненттарын ҡулланып эшләнә, йәғни кешелек яғыулыҡҡа ҡарағанда, нығыраҡ йәшәйеш-көнкүреш әйберҙәре етештереү йәһәтенән нефткә бойондороҡло.
Ун йылдан кешелекте матди ҡыйынлыҡ көтә, ти эксперттар, сөнки тауар ҡулланыу әлеге тиҙлектә үҫешһә, донъяла коммерция күҙлегенән табышлы булған, разведкаланған нефть ятҡылыҡтары ошо срокта үҙләштерелеп бөтәсәк.
Нефть ятҡылыҡтарын эҙләү, табыу, үҙләштереү ҙур сығымдар талап итә. Өҫтә ятҡан һәм еңел алына торған ятҡылыҡтар бөткәс, бик тәрәндә ятҡан нефтте сығарыу ҙа ҡиммәткә төшәсәк. Былар, билдәле, бөтә тауарҙарҙың ҡиммәтләнеүенә, күп нәмәгә ҡытлыҡ яһалыуға килтерәсәк.
+13 °С
Болотло