+17 °С
Болотло
VK
Бөтә яңылыҡтар
Дөйөм мәҡәләләр
6 Май 2021, 14:35

МОҠАМАЙ БӘҘРҮШ. АТАКА АЛДЫНАН, ДАНЛЫ ЕҢЕҮ МЕНӘН ҠАЙТЫРМЫН

#БөйөкЕңеү#Башҡорт әҙәбиәтенең үлемһеҙ полкы#Аҡбуҙат журналыБәҙретдин Мөхәммәтйән улы Мөхәммәтйәнов (Бәҙрүш Моҡамай) 1909йылда Башҡортостандың Дүртөйлө районы Ҡайыш ауылында ярлы крәҫтиәнғаиләһендә тыуған. Бөйөк Ватан һуғышы башланғас та, ул фронтҡа китә, Мәскәү янындағы ҡатыһуғыштарҙа ҡатнаша, Вязьма, Можайск, Великие Луки ҡалаларын дошманданазат итеү һуғыштарында була; фронтта ике тапҡыр яралана. 1944 йылдың 20сентябрендә Латвияны азат итеү өсөн барған алыштарҙа Б.Моҡамай батырҙарсаһәләк була.АТАКА АЛДЫНАНСоҡорҙарға, уйһыу урындарға,Йылғаларға аҡ томан ята.Сулпан ҡалҡа, һыҙылып ал таң ата,Ә таң менән — беҙҙең атака.Өҫтөбөҙгә уттар яуғанда ла,Алған ерҙе ташлап китмәҫкә,Ун мәртәбә тәнгә яра алып,Ҡандар аҡҡанда ла — сикмәҫкә.Һәр беребеҙҙең күңеле шулай уйлай,Шул хис менән ҡайнай ҡаныбыҙ.Беҙ беләбеҙ: үҙебеҙ үлгәндә лә,Мәңгелеккә ҡалыр даныбыҙ. .......

Данлы еңеү менән ҡайтырмын
Бик күп йөрөнөм, оҙон юлдар үттем,
Тауға мендем, тауҙан төштөм мин.
Төрлө яҡтың һауаһын һуланым мин,
Төрлө йылға һыуын эстем мин.
Бөтә ере йәмле ватанымдың
Бөтә урыны йәнгә яғымлы…
Ә шулай ҙа үҙем тыуып-үҫкән
Ағиҙелкәй буйын һағындым.
Ағиҙелем…
Тирә-яғы уның зәңгәр урман,
Шаулап үҫә унда ҡамыштар.
Үҫә уның иркен ҡырҙарында,
Тулҡынланып, бойҙай, арыштар.
Сәскә ата унда алмағастар,
Бешә унда татлы емештәр.
Йәшәй унда минең йән һөйгәнем,
Йәшәй унда минең дуҫ-иштәр.
Йәшәй унда минең ике балам,
Йыуанысы булып күңелдең…
Бик һөйәм мин Ағиҙелкәй буйын,
Бик һөйәм мин Урал — илемде.
Был һөйөүем минең йөрәгемде
Күрә алмаусылыҡҡа өйрәтте.
Был һөйөүем минең
Дошмандарға
Нәфрәтемдең утын дөрләтте.
Нәфрәт менән,
Ярһыулы асыу менән
Дошманымды ҡанға батырҙым.
Көт һин мине, гүзәл Ағиҙелкәй,
Данлы еңеү менән ҡайтырмын.
1943

Читайте нас: