ХИКӘЙӘ

Зөбәйҙә ИСЛАМОВАИШЕК АЛДЫ КҮРКЕ(хикәйә)Йылы йәмле көндәр етте. Өләсәйҙең ишек алды бәпембә аралаш йомшаҡ, бәпкә үләненә сумды.Баҡса мөйөшөндә ҡабарынған аҡ тауыҡ “ҡорт та ҡорт”килеп тиреҫ тибә. ”Ялт-йолт” ҡарап, һары гәрәбәләй төрлө яҡҡа һибелгән себештәрен һис тә күҙҙән ысҡындырмай. Ҡойма башындағы ҡарғаны күреп, бәләкәстәрен тиҙ генә ҡанат аҫтына йыя һалды. Яңы ғына йомортҡанан тәгәрәгән Әтәскүк кенә ҡурҡа ла белмәй, йоҡларға ла теләмәй ине. Ҡыҙыҡһынып тирә-яҡты күҙәтте. Аҡ ҡауырыйҙың тәжрибәһе ҙур, нисек албырғатырға белә ул... Ҡо-ҡо-ҡо-ҡоо…—себешкәйем,Йоҡласы, бәләкәйем.Тиберһең һин төштәреңдәАлтын бөртөк тары — ем.— Килсе инде, һарыҡайым,Инсе ҡанат аҫтына.Апайҙарың инде “өйҙә”,Ҡала күрмә ас ҡына. Йүгерә, оса себешкәй,Әсәһе ҡосағына,Тәмләргә тип, йоҡоһонда —Тарыһын, борсағын да.Әтәскүктең “тары ярмаһын” нимә икәнен белмәһә лә, тәмләп ҡарайһы килде. “Йә иһә, ағай-апайҙары уға ҡалдырмаҫ”, — тип уйлап абына-һөрлөгә әсәһенең йылы ҡосағына йүгерҙе. ...