ҒӘЛИ СОҠОРОЙҘОҢ ТЫУЫУЫНА 200 ТУЛЫУҘЫ БИЛДӘЛӘҮГӘ ҠУЛ ҠУЙЫЛДЫ

Башҡортостан Республикаһы Башлығы Радий Хәбиров башҡорт мәғрифәтсеһе, ғалим, шағир, дин әһеле Ғәли Соҡоройҙоң тыуыуына 200 тулыу айҡанлы 2026 йылда юбилей саралары үткәреү тураһындағы ҡарарға ҡул ҡуйҙы.

Ғәли Соҡорой Тәтешле районының Иҫке Соҡор ауылында тыуған, данлыҡлы Ирәкте ырыуынан. Сығышы менән тархандар нәҫеленән булған шағир - үҙ заманының бик абруйлы шәхесе. Уның шәжәрәһендә боронғо дәүерҙән килгән ҡырҡҡа яҡын быуыны теркәлгән. Шуға күрә яҙған китаптары, шиғри әҫәрҙәре менән бергә беҙгә уның нәҫел ағасы бик ҡәҙерле.

Ғәли Соҡорой балалар уҡытҡан. Үҙе ғүмер буйы ғилем алған, дүрт тапҡыр хаж ҡылған. Быйыл Башҡортостанда уның тыуыуына 195 йыл тулыу уңайынан ҙур саралар ойошторолдо.

Читайте нас: