ӨЛӘСӘЙ КҮСТӘНӘСТӘРЕ

Н.А. Мәжитов исемендәге Красноусол башҡорт гимназия-интернатының 2-се класс уҡытыусыһы, ағинәй Гөлшат Вәлиева уҡыусылары менән бергәләп ауыл ағинәйҙәрен Ғаилә көнөнә арналған матур сараға саҡырҙы. Саҡырған ергә бармай буламы һуң инде: ағинәйҙәребеҙҙең һәр береһе күстәнәсле төйөнсөктәрен ҡуйынына ҡыҫтырып, билдәләнгән сәғәткә гимназияға килеп тә етте. Өлгөрҙәр ҙә инде үҙҙәре, шул арала ҡул эштәренән, милли биҙәүестәрҙән күргәҙмә ойоштороп, үҙҙәре килтергән күстәнәстәрҙе өҫтәлдәргә теҙеп тә ҡуйҙылар.Уҡыусылар ҙа ағинәйҙәрҙе ихлас ҡаршыланы. Шуныһы иғтибарға лайыҡ, был кластағы ҡыҙҙарҙың барыһының да селтәрҙәре, сәс үрместәре бар икән. Күптәре байрамға милли кейемдәрҙә килгән. Башта улар "нимә ул ғаилә?" тигән һорауға яуап эҙләнеләр, ғаилә ҡиммәттәре тураһында фекер алыштылар. Артабан