-4 °С
Болотло
Бөтә яңылыҡтар
Дөйөм мәҡәләләр
15 Февраль 2021, 15:35
ШАМОНИН АУЫЛЫНДА БАЙРАМ ҮТТЕ
Өфө районы Шамонин ауылы "Айыҡ ауыл" республика конкурсының финалында ҡатнаша."Сәләмәтлек фестивале - Беҙ бергә!" исемле бик матур сара ла ошо конкурсҡа нигеҙләнеп, шаулап-гөрләп үтеп китте.(тулыһынса сайтта уҡырға!)
Бөгөнгө көндә Өфө районы Шамонин ауылы республикала билдәле ауылдарҙың береһе һанала. Яҡшы йыһазландырылған өс ҡатлы ҙур һәм яҡты мәктәп, ике балалар баҡсаһы, поликлиника, янғын һүндереү пункты, магазиндар... Рәхәтләнеп йәшәргә, тырышып эшләргә бөтә шарттар ҙа булдырылған, шөкөр.
Ял көндәрендә "Айыҡ ауыл" республика конкурсының финал байрам сараһы үтте. Ошо сарала ауыл халҡы дәррәү ҡатнашып, конкурстың абруйлы жюри ағзаларына Шамонинда йәшәүселәрҙең тырыш, берҙәм, егәрле булыуын һәм сәләмәт тормош алып барыуҙарын иҫбатланы.
Шамонин урта мәктәбе, Шамонинда йәшәүсе әртистәр һәм Өфө районы мәҙәниәт бүлеге таланттары тарафынан ойошторолған ҙур концерт барыһына ла бик оҡшаны.
"Аҡбуҙат" һәм "Ысыҡҡай" балалар баҡсалары тәрбиәселәре ойошторған күңелле спорт ярыштарында балалар ҙа, атай-әсәйҙәр ҙә ихлас ҡатнашты. Бер кем дә бүләкһеҙ ҡалманы.
Урамда ҡышҡы йәрминкә гөрләп уҙҙы. Төрлө тәмлекәстәр, хужалыҡ тауарҙары һатыуға сығарылды. Саңғыла уҙышыу, атта йөрөү, уҡ атышыу ҙа һәр кемдең күңеленә хуш килде.
Сәй эсеп, бутҡа ашап та алдылар байрамда!
Мәктәп эсендә төрлө күргәҙмәләр эшләне.
Ҡыҫҡаһы, сәләмәтлек һәм татыулыҡты билдәләгән байрам сараһы юғары кимәлдә үтте.
Конкурстың финалында Шамонин ауылы еңеп сығыр, тип өмөтләнәбеҙ!
Читайте нас:
© 2024 «Аҡбуҙат» - Мәктәпкәсә йәштәге һәм башланғыс класс уҡыусылары өсөн әҙәби-нәфис журнал. Сайттағы мәҡәләләрҙе администрацияның ризалығы менән генә күсереп алырға рөхсәт ителә.
Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.
Баш мөхәррир Абдуллина Лариса Хашим ҡыҙы
Телефон
89659441892
Электрон почта
Адресы
г. Уфа, ул. 50 лет Октября, 13, 1 этаж
Реклама хеҙмәте
(347) 2927761
Редакция
(347) 2927761
Ҡабул итеү бүлмәһе
(347) 2927761
Хеҙмәттәшлек
89659441892
Кадрҙар бүлеге
8(347)272-42-07