+12 °С
Ямғыр
VK
Бөтә яңылыҡтар
Дөйөм мәҡәләләр
6 Февраль 2021, 01:31

ИҢ ОҪТА ҺҮРӘТ ТӨШӨРӨҮСЕГӘ - ПЛАНШЕТ!

ИЛҺӨЙӘР МАХАТОВА:Асҡын 1-се урта мәктәбендә «Аҡбуҙат» балалар журналы рәссамы Артур Вәсилов үткәргән оҫталыҡ дәресендә осрашыуға килгән балалар араһында иң оҫта һүрәт төшөрөүселәр асыҡланды. Баҫманың иң ҙур бүләге — башҡорт шрифтлы планшетҡа Асҡын 2-се урта мәктәбе уҡыусыһы Динә Сафина лайыҡ булды.

Райондың төрлө мәктәптәренән, балалар баҡсаларынан осрашыуға килгән балалар баҫманың рәссамы Артур Вәсилов үткәргән оҫталыҡ дәресендә Балыҡсы ырыуы ҡошо ҡарағошто төшөрҙө. Аҙаҡ һүрәттәрҙе йыйып алып, иң матурҙарын билдәләнеләр. “Аҡбуҙат”тың иң ҙур бүләге — башҡорт шрифтлы планшетҡа Асҡын 2-се урта мәктәбенең 4Б класы уҡыусыһы Динә Сафина лайыҡ булды. Шулай уҡ ошо мәктәптән 4-се класс уҡыусылары Рәсим Вәлиәхмәтов һәм Гүзәл Махатова, Асҡын 1-се мәктәбенән 2-се класс уҡыусыһы Рәдим Хажимәрҙәнов лауреат булараҡ бүләкләнде. Лариса Хашим ҡыҙы иң бәләкәстәргә — Асҡын 2-се һәм “Күк сәскә” балалар баҡсалары тәрбиәләнеүселәренә лә рәхмәт әйтеп, матур бүләктәр тапшырҙы.
Осрашыуҙан бер бала ла бүләкһеҙ ҡайтманы. Һәр береһенә “Аҡбуҙат” журналының “Урал батыр” исемле комикстар йыйынтығы һәм төньяҡ-көнбайыш диалектында кисә генә Асҡын уҡыусылары өсөн махсус нәшер ителгән “Аҡбуҙат” журналы тапшырылды.
Балалар оҫталыҡ дәресенән һуң төньяҡ-көнбайыш диалектына тәржемә ителгән “Шумер” йәнһүрәтен дә ҡараны. Асҡын 1-се урта мәктәбе уҡытыусыһы Эльвира Лотфуллина Лариса Абдуллинаға һәм Артур Вәсиловҡа фәһемле, йәнле осрашыу өсөн район хакимиәте, мәктәп етәкселеге исеменән рәхмәт әйтте.
  • Бөгөнгө осрашыу беҙгә бик оҡшаны. Бик әүҙемһегеҙ, оҫтаһығыҙ. Туған телегеҙҙе бәләкәйҙән өйрәнегеҙ, башҡорт телендә нәшер ителгән журналдарҙы яҙҙырып уҡығыҙ. Мин һеҙҙән шиғырҙар, һүрәттәр, хаттар көтәм, — тине Лариса Хашим ҡыҙы уҡыусыларға.
  • Иң оҫта һүрәт төшөрөүсегә — планшет! (rbsmi.ru)
    • Читайте нас:

    © 2024 «Аҡбуҙат» - Мәктәпкәсә йәштәге һәм башланғыс класс уҡыусылары өсөн әҙәби-нәфис журнал. Сайттағы мәҡәләләрҙе администрацияның ризалығы менән  генә күсереп алырға рөхсәт ителә.

    Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.

    Баш мөхәррир Абдуллина Лариса Хашим ҡыҙы

    Телефон
    89659441892
    Электрон почта
    Адресы
    г. Уфа, ул. 50 лет Октября, 13, 1 этаж
    Реклама хеҙмәте
    (347) 2927761
    Редакция
    (347) 2927761
    Ҡабул итеү бүлмәһе
    (347) 2927761
    Хеҙмәттәшлек
    89659441892
    Кадрҙар бүлеге
    8(347)272-42-07
    Яндекс.Метрика