+11 °С
Ясна
Бөтә яңылыҡтар
Дөйөм мәҡәләләр
31 Ғинуар 2021, 22:00
Бәпестәр үҫә лә китә икән, ә сабый саҡтағы мәҙәктәре һаман да иҫтә...
Гөлнур ҒИЗЗӘТУЛЛИНА.Ҡыҙыҡай исемле бәпесте торналар ҡалдырып киткәс, өйҙә йәм артты.Атай-Әсәһе лә, Ағай кеше лә йүгереп кенә торалар, бармағы ҡыбырҙаһа ла шатланалар. Әсәй кеше көндөң-көн буйына Ҡыҙыҡай менән һөйләшеп туймай: гөр-гөр килеп ятҡан бәпескә ҡушылып бишек йыры йырлай, әкиәт һөйләй. Шуғамылыр, Ҡыҙыҡайҙың теле иртә асылды: "Әннә", "Әттә", "Абыз" тигәнһүҙҙәрҙе әйтә лә үҙе шуға ҡыуанған була. Ләкин күп һүҙҙәрен үҙенән аҙға ғына өлкәнерәк Ағай кеше генә аңлай. Шуға ла ул үҙ теләге менән тәржемәсе булырға ризалыҡ бирҙе.Ә бына бер көн, Ағай кеше дуҫы эргәһенә китеп оҙаҡлағас, тәржемәсеһеҙ ҡалған өлкәндәргә йүгергеләргә тура килде. Тәс-тәс итеп, тәмле бутҡа ашап, көтөлгән ял минуттары еткәс, Ҡыҙыҡай йылмайҙы ла:- Әннә, бүнәәәт! - тине.Әсәй кеше,аптырап:- Нимә? Нимә? - тип һораны.- Бүнәәәт! - тине Ҡыҙыҡай.Ләкин Әсәй кеше был заманса һүҙҙе аңламаны...
Был хәл иткеһеҙ мәсьәләне асыҡларға Атай кеше лә йәлеп ителде.
- Ошомо ,ошомо?.. - тип, өйҙәге бөтә әйберҙе күрһәтеп сыҡтылар, бейеп тә, йырлап та, эт булып өрөп тә ҡаранылар,
ә Ҡыҙыҡай һаман да:
- Бүнәәәт! Бүнәәәәәәт! - тип тик торҙо, ул инде күптән илауға күскәйне. Шул саҡ, ҡарға буталған, биттәре алһыуланған
Ағай кеше ҡайтып керҙе. Үҙҙәре лә илар сиккә еткән Атай менән Әсәй уны
ҡосаҡлап алдылар, нимә ти туғаның, аңлаһаң һин генә аңларһың, тинеләр. Ағай кеше, ҡулын йыуып, әҙерәк йылынып алғас, үҙ ҡәҙерен үҙе белеп кенә туғанын ҡулына алды ла:
- Йә,һөйләп ебәр, Ҡыҙыҡай, нимә булды? - тине.
- Бүнәәәәт! - тине, илап ярһып бөткән Ҡыҙыҡай.
- Әсәй, әкиәт һөйлә ти ҙә һуң! Шуны ла аңламаҫҡа, - тине Ағай кеше.
Ә-ә-әй, баш тигәнең! Шуны ла аңламаҫҡа ни... - тип шатланды хәлдән тайған Атай менән Әсәй. Бер-нисә минуттан өй эсендә илаһи бер тыныслыҡ урынлашҡайны инде: Атай кеше гәзит ҡараштыра, Ағай кеше пластилиндан машиналар әүәләй, ә Әсәй кеше Ҡыҙыҡайҙы бишеккә һалып, шым ғына әкиәт һөйләй:
- Борон-борон заманда йәшәгән, ти, бер әбей менән бабай... Урталарында бер ҡыҙыҡай мыш-мыш итеп йоҡлай...
Бер-береңә ихтирам, һөйөү йәшәгән тыныс тормошта сабый йоҡоһонан да матурыраҡ
күренеш юҡтыр ул... Тәмле тыныс йоҡо, Бәләкәс кеше! Тәмле төштәр һиңә! Яҡындарыңдың йылыһына
төрөнөп, уларҙың һөйөүенең нурына ҡойоноп, бәхетле-тәүфиҡлы булып үҫ!
- Ошомо ,ошомо?.. - тип, өйҙәге бөтә әйберҙе күрһәтеп сыҡтылар, бейеп тә, йырлап та, эт булып өрөп тә ҡаранылар,
ә Ҡыҙыҡай һаман да:
- Бүнәәәт! Бүнәәәәәәт! - тип тик торҙо, ул инде күптән илауға күскәйне. Шул саҡ, ҡарға буталған, биттәре алһыуланған
Ағай кеше ҡайтып керҙе. Үҙҙәре лә илар сиккә еткән Атай менән Әсәй уны
ҡосаҡлап алдылар, нимә ти туғаның, аңлаһаң һин генә аңларһың, тинеләр. Ағай кеше, ҡулын йыуып, әҙерәк йылынып алғас, үҙ ҡәҙерен үҙе белеп кенә туғанын ҡулына алды ла:
- Йә,һөйләп ебәр, Ҡыҙыҡай, нимә булды? - тине.
- Бүнәәәәт! - тине, илап ярһып бөткән Ҡыҙыҡай.
- Әсәй, әкиәт һөйлә ти ҙә һуң! Шуны ла аңламаҫҡа, - тине Ағай кеше.
Ә-ә-әй, баш тигәнең! Шуны ла аңламаҫҡа ни... - тип шатланды хәлдән тайған Атай менән Әсәй. Бер-нисә минуттан өй эсендә илаһи бер тыныслыҡ урынлашҡайны инде: Атай кеше гәзит ҡараштыра, Ағай кеше пластилиндан машиналар әүәләй, ә Әсәй кеше Ҡыҙыҡайҙы бишеккә һалып, шым ғына әкиәт һөйләй:
- Борон-борон заманда йәшәгән, ти, бер әбей менән бабай... Урталарында бер ҡыҙыҡай мыш-мыш итеп йоҡлай...
Бер-береңә ихтирам, һөйөү йәшәгән тыныс тормошта сабый йоҡоһонан да матурыраҡ
күренеш юҡтыр ул... Тәмле тыныс йоҡо, Бәләкәс кеше! Тәмле төштәр һиңә! Яҡындарыңдың йылыһына
төрөнөп, уларҙың һөйөүенең нурына ҡойоноп, бәхетле-тәүфиҡлы булып үҫ!
Читайте нас:
© 2024 «Аҡбуҙат» - Мәктәпкәсә йәштәге һәм башланғыс класс уҡыусылары өсөн әҙәби-нәфис журнал. Сайттағы мәҡәләләрҙе администрацияның ризалығы менән генә күсереп алырға рөхсәт ителә.
Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.
Баш мөхәррир Абдуллина Лариса Хашим ҡыҙы
Телефон
89659441892
Электрон почта
Адресы
г. Уфа, ул. 50 лет Октября, 13, 1 этаж
Реклама хеҙмәте
(347) 2927761
Редакция
(347) 2927761
Ҡабул итеү бүлмәһе
(347) 2927761
Хеҙмәттәшлек
89659441892
Кадрҙар бүлеге
8(347)272-42-07